(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 227

॥ శ్రీః ॥
1.227. అధ్యాయః 227
Mahabharata - Adi Parva - Chapter Topics
ద్రౌపద్యా నమస్కృతయా గాంధార్యా తద్రూపదర్శనేన తస్యాః స్వపుత్రమృత్యుత్వవితర్కః॥ 1 ॥ ధృతరాష్ట్రేణ యుధిష్ఠిరస్య ధర్మరాజ్యేఽభిషేకః॥ 2 ॥ పాండవానాం ఖాండవప్రస్థగమనం॥ 3 ॥ శ్రీకృష్ణచింతితేనేంద్రేణ విశ్వకర్మణః ప్రేషణం॥ 4 ॥ విశ్వకర్మణా ఇంద్రప్రస్థపురనిర్మాణం॥ 5 ॥ తత్రాగతానాం సర్వేషాం విసర్జనం॥ 6 ॥
Mahabharata - Adi Parva - Chapter Text

`వైశంపాయన ఉవాచ। 1-227-0x(1240)(9809)
దుర్యోధనస్య మహిషీ కాశిరాజసుతా తదా।
ధృతరాష్ట్రస్య పుత్రాణాం వధూభిః సహితా తదా॥ 1-227-1(9810)
పాంచాలీం ప్రతిజగ్రాహ సాధ్వీం శ్రియమివాపరాం।
పూజయామాస పూజార్హాం శచీదేవీమివాగతాం॥ 1-227-2(9811)
వవందే తత్ర గాంధారీం కృష్ణయా సహ మాధవీ।
ఆశిషశ్చ ప్రయుక్త్వా తు పాంచాలీం పరిషస్వజే॥ 1-227-3(9812)
పరిష్వజ్యైవ గాంధారీ కృష్ణాం కమలలోచనాం।
పుత్రాణాం మమ పాంచాలీ మృత్యురేవేత్యమన్యత॥ 1-227-4(9813)
సంచింత్య విదురం ప్రాహ యుక్తితః సుబలాత్మజా।
కుంతీం రాజసుతాం క్షత్తః సవధూం సపరిచ్ఛదాం॥ 1-227-5(9814)
పాండోర్నివేశనం శీఘ్రం నీయతాం యది రోచతే।
కరణేన ముహూర్తేన నక్షత్రేణ శుభే తిథౌ॥ 1-227-6(9815)
యథా సుఖం తథా కుంతీ రంస్యతే స్వగృహే సుతైః।
తథేత్యేవ తదా క్షత్తా కారయామాస తత్తథా॥ 1-227-7(9816)
పూజయామాసురత్యర్థం బాంధవాః పాండవాంస్తదా।
నాగరాః శ్రేణిముఖ్యాశ్చ పూజయంతి స్మ పాండవాన్॥ 1-227-8(9817)
భీష్మో ద్రోణః కృపః కర్ణో బాహ్లీకః ససుతస్తదా।
శాసనాద్ధృతరాష్ట్రస్య అకుర్వన్నతిథిక్రియాం॥ 1-227-9(9818)
ఏవం విహరతాం తేషాం పాండవానాం మహాత్మనాం।
నేతా సర్వస్య కార్యస్య విదురో రాజశాసనాత్॥' 1-227-10(9819)
విశ్రాంతాస్తే మహాత్మానః కంచిత్కాలం సకేశవాః।
ఆహూతా ధృతరాష్ట్రేణ రాజ్ఞా శాంతనవేన చ॥ 1-227-11(9820)
ధృతరాష్ట్ర ఉవాచ। 1-227-12x(1241)
భ్రాతృభిః సహ కౌంతేయ నిబోధేదం వచో మమ।
`పాండునా వర్ధితం రాజ్యం పాండునా పాలితం జగత్॥ 1-227-12(9821)
శాసనాన్మమ కౌంతేయ మమ భ్రాతా మహాబలః।
కృతవాందుష్కరం కర్మ నిత్యమేవ విశాంపతే॥ 1-227-13(9822)
తస్మాత్త్వమపి కౌంతేయ శాసనం కురు మా చిరం।
మమ పుత్రా దురాత్మానః సర్వేఽహంకారసంయుతాః॥ 1-227-14(9823)
శాసనం న కరిష్యంతి మమ నిత్యం యుధిష్ఠిర।
స్వకార్యనిరతైర్నిత్యమవలిప్తైర్దురాత్మభిః॥' 1-227-15(9824)
పునర్వై విగ్రహో మా భూత్ఖాండవప్రస్థమావిశ।
న హి వో వసతస్తత్ర కశ్చిచ్ఛక్తః ప్రబాధితుం॥ 1-227-16(9825)
సంరక్ష్యమాణాన్పార్థేన త్రిదశానివ వజ్రిణా।
అర్ధరాజ్యం తు సంప్రాప్య ఖాండవప్రస్థణావిశ॥ 1-227-17(9826)
`కేశవో యది మన్యతే తత్కర్తవ్యమసంశయం॥' 1-227-18(9827)
వైశంపాయన ఉవాచ। 1-227-19x(1242)
ప్రతిగృహ్య తు తద్వాక్యం నృపం సర్వే ప్రణంయ చ।
`వాసుదేవేన సంమంత్ర్య పాండవాః సముపావిశన్॥ 1-227-19(9828)
ధృతరాష్ట్ర ఉవాచ। 1-227-20x(1243)
అభిషేకస్య సంభారాన్క్షత్తరానయ మా చిరం।
అభిషిక్తం కరిష్యామి హ్యద్య వై కురునందనం॥ 1-227-20(9829)
బ్రాహ్మణా నైగమశ్రేష్ఠాః శ్రేణీముఖ్యాశ్చ సర్వతః।
ఆహూయంతాం ప్రకృతయో బాంధవాశ్చ విశేషతః॥ 1-227-21(9830)
పుణ్యాహం వాచ్యతాం తాత గోసహస్రం ప్రదీయతాం।
గ్రామముఖ్యాశ్చ విప్రేభ్యో దీయంతాం బహుదక్షిణాః॥ 1-227-22(9831)
అంగదే మకుటం క్షత్తర్హస్తాభరణమానయ।
ముక్తావలీశ్చ హారం చ నిష్కాణి కటకాని చ॥ 1-227-23(9832)
కటిబంధశ్చ సూత్రం చ తథోదరనిబంధనం।
అష్టోత్తరసహస్రం తు బ్రాహ్మణాధిష్ఠితా గజాః॥ 1-227-24(9833)
జాహ్నవీసలిలం శీఘ్రమానీయంతాం పురోహితైః।
అభిషేకోదకక్లిన్నం సర్వాభరణభూషితం॥ 1-227-25(9834)
ఔపవాహ్యోపరిగతం దివ్యచారమరవీజితం।
సువర్ణమణిచిత్రేణ శ్వేతచ్ఛత్రేణ శోభితం॥ 1-227-26(9835)
జయేతి ద్విజవాక్యేను స్తూయమానం నృపైస్తథా।
దృష్ట్వా కుంతీసుతం జ్యేష్ఠమాజమీఢం యుధిష్ఠిరం॥ 1-227-27(9836)
ప్రీతాః ప్రీతేన మనసా ప్రశంసంతు పరే జనాః।
పాండోః కృతోపకారస్య రాజ్యం దత్వా మమైవ చ॥ 1-227-28(9837)
ప్రతిక్రియా కృతమిదం భవిష్యతి న సంశయః।
భీష్మో ద్రోణః కృపః క్షత్తా సాధుసాధ్విత్యథాబ్రువన్॥ 1-227-29(9838)
శ్రీవాసుదేవ ఉవాచ। 1-227-30x(1244)
యుక్తమేతన్మహాభాగ కౌరవాణాం యశస్కరం।
శీఘ్రమద్యైవ రాజేంద్ర త్వయోక్తం కర్తుమర్హసి॥ 1-227-30(9839)
ఇత్యేవముక్తో వార్ష్ణేయస్త్వరయామాస తత్తదా।
తథోక్తం ధృతరాష్ట్రేణ కారయామాస కేశవః॥ 1-227-31(9840)
తస్మిన్క్షణే మహారాజ కృష్ణద్వైపాయనస్తదా।
ఆగత్య కురుభిః సర్వైః పూజితః ససుహృద్గణైః॥ 1-227-32(9841)
మూర్ధాభిషిక్తైః సహితో బ్రాహ్మణైర్వేదపారగైః।
కారయామాస విధివత్కేశవానుమతే తదా॥ 1-227-33(9842)
కృపో ద్రోణశ్చ భీష్మశ్చ ధౌంయశ్చ వ్యాసకేశవౌ।
బాహ్లీకః సోమదత్తశ్చ చాతుర్వేద్యపురస్కృతాః॥ 1-227-34(9843)
అభిషేకం తదా చక్రుర్భద్రపీఠే సుసంస్కృతం॥ 1-227-35(9844)
వ్యాస ఉవాచ। 1-227-36x(1245)
జిత్వా తు పృథివీం కృత్స్నాం వశే కృత్వా నృపాన్భవాన్।
రాజసూయాదిభిర్యజ్ఞైః క్రతుభిర్వరదక్షిణైః॥ 1-227-36(9845)
స్నాత్వా హ్యవభృథస్నానం మోదతాం బాంధవైః సహ।
ఏవముక్త్వా తు తే సర్వే ఆశీర్భిరభిపూజయన్॥ 1-227-37(9846)
మూర్ధాభిషిక్తః కౌరవ్యః సర్వాభరణభూషితః।
జయేతి సంస్తుతో రాజా ప్రదదౌ ధనమక్షయం॥ 1-227-38(9847)
సర్వమూర్ధాభిషిక్తైశ్చ పూజితః కురనందనః।
ఔపవాహ్యమథారుహ్య శ్వేతచ్ఛత్రేణ శోభితః॥ 1-227-39(9848)
రరాజ రాజాభిమతో మహేంద్ర ఇవ దైవతైః।
తతః ప్రదక్షిణీకృత్య నగరం నాగసాహ్వయం॥ 1-227-40(9849)
ప్రవివేశ తదా రాజా నాగరైః పూజితో గృహం।
మూర్ధాభిషిక్తం కౌంతేయమభ్యగచ్ఛంత కౌరవాః॥ 1-227-41(9850)
గాంధారిపుత్రాః శోచంతః సర్వే తే సహ బాంధవైః।
జ్ఞాత్వా శోకం చ పుత్రాణాం ధృతరాష్ట్రోఽబ్రవీదిదం॥ 1-227-42(9851)
సమక్షం వాసుదేవస్య కురూణాం చ సమక్షతః।
అభిషేకస్త్వయా ప్రాప్తో దుష్ప్రాపో హ్యకృతాత్మభిః॥ 1-227-43(9852)
గచ్ఛ త్వమద్యైవ నృప కృతకృత్యోఽసి కౌరవ।
ఆయుః పురూరవా రాజన్నహుషేణ యయాతినా॥ 1-227-44(9853)
తత్రైవ నివసంతి స్మ ఖాండవే తు నృపోత్తమ।
రాజధానీ తు సర్వేషాం పౌరవాణాం మహాభుజ॥ 1-227-45(9854)
వినాశితం మునిగణైర్లోభాద్బుధసుతస్య వై।
తస్మాత్త్వం ఖాండవప్రస్థం పురం రాష్ట్రం చ వర్ధయ॥ 1-227-46(9855)
బ్రాహ్మణాః క్షత్రియా వైశ్యాః శూద్రాశ్చ కృతలక్షణాః।
త్వద్భక్త్యా జంతవశ్చాన్యే భజంత్యేవ పురం శుభం॥ 1-227-47(9856)
పురం రాష్ట్రం సమృద్ధం వై ధనధాన్యసమాకులం।
తస్మాద్గచ్ఛస్వ కౌంతేయ భ్రాతృభిః సహితోఽనఘ॥ 1-227-48(9857)
వైశంపాయన ఉవాచ। 1-227-49x(1246)
ప్రతిగృహ్య తు తద్వాక్యం తస్మై సర్వే ప్రణంయ చ।
రథైర్నాగైర్హయైశ్చాపి సహితాస్తు పదాతిభిః॥ 1-227-49(9858)
ప్రతస్థిరే తతో ఘోషసంయుక్తైః స్యందనైర్వరైః।
తాందృష్ట్వా నాగరాః సర్వే భక్త్యా చైవ ప్రతస్థిరే॥ 1-227-50(9859)
గచ్ఛతః పాండవైః సార్ధం దృష్ట్వా నాగపురాలయాత్।
పాండవైః సహితా గంతుం నార్హతేతి చ నాగరాన్॥ 1-227-51(9860)
ఘోషయామాస నగరే ధార్తరాష్ట్రః ససౌబలః।'
తతస్తే పాండవాస్తత్ర గత్వా కృష్ణపురోగమాః॥ 1-227-52(9861)
మండయాంచక్రిరే తద్వై పురం స్వర్గాదివ చ్యుతం।
`వాసుదేవో జగన్నాథశ్చింతయామాస వాసవం॥ 1-227-53(9862)
మహేంద్రశ్చింతితో రాజన్విశ్వకర్మాణమాదిశత్।
విశ్వకర్మన్మహాప్రాజ్ఞ అద్యప్రభృతి తత్పురం॥ 1-227-54(9863)
ఇంద్రప్రస్థమితి ఖ్యాతం దివ్యం భూంయాం భవిష్యతి।
మహేంద్రశాసనాద్గత్వా విశ్వకర్మా తు కేశవం॥ 1-227-55(9864)
ప్రణంయ ప్రణిపాతార్హం కిం కరోమీత్యభాషత।
వాసుదేవస్తు తచ్ఛ్రుత్వా విశ్వకర్మాణమూచివాన్॥ 1-227-56(9865)
కురుష్వ కురురాజస్య మహేంద్రపురసన్నిభం।
ఇంద్రేణ కృతనామానమింద్రప్రస్థం మహాపురం॥ 1-227-57(9866)
వైశంపాయన ఉవాచ।' 1-227-58x(1247)
తతః పుణ్యే శివే దేశే శాంతిం కృత్వా మహారథాః।
స్వస్తివాచ్య యథాన్యాయమింద్రప్రస్థం భవత్వితి॥ 1-227-58(9867)
తత్పురం మాపయామాసుర్ద్వైపాయనపురోగమాః।
`తతః స విశ్వకర్మా తు చకార పురముత్తమం॥' 1-227-59(9868)
సాగరప్రతిరూపాభిః పరిఖాభిరలంకృతం।
ప్రాకారేణ చ సంపన్నం దివమావృత్య తిష్ఠతా॥ 1-227-60(9869)
పాండురాభ్రప్రకాశేన హిమరశ్మినిభేన చ।
శుశుభే తత్పురశ్రేష్ఠం నాగైర్భోగవతీ యథా॥ 1-227-61(9870)
ద్విపక్షగరుడప్రఖ్యైర్ద్వారైః సౌధైశ్చ శోభితం।
గుప్తమభ్రచయప్రఖ్యైర్గోపురైర్మందరోపమైః॥ 1-227-62(9871)
వివిధైరపి నిర్విద్ధైః శస్త్రోపేతైః సుసంవృతైః।
శక్తిభిశ్చావృతం తద్ధి ద్విజిహ్వైరివ పన్నగైః॥ 1-227-63(9872)
తల్పైశ్చాభ్యాసికైర్యుక్తం శుశుభే యోధరక్షితం।
థీక్ష్ణాంకుశశతఘ్నీభిర్యంత్రజాలైశ్చ శోభితం॥ 1-227-64(9873)
ఆయసైశ్చ మహాచక్రైః శుశుభే తత్పురోత్తమం।
సువిభక్తమహారథ్యం దేవతాబాధవర్జితం॥ 1-227-65(9874)
విరోచమానం వివిధైః పాండురైర్భవనోత్తమైః।
తత్త్రివిష్టపసంకాశమింద్రప్రస్థం వ్యరోచత॥ 1-227-66(9875)
మేఘవృందమివాకాశే విద్ధం విద్యుత్సమావృతం।
తత్ర రంయే శివే దేశే కౌరవ్యస్య నివేశనం॥ 1-227-67(9876)
శుశుభే ధనసంపూర్ణం ధనాధ్యక్షక్షయోపమం।
తత్రాగచ్ఛంద్విజా రాజన్సర్వవేదవిదాం వరాః॥ 1-227-68(9877)
నివాసం రోచయంతి స్మ సర్వభాషావిదస్తథా।
వణిజశ్చాయయుస్తత్ర నానాదిగ్భ్యో ధనార్థినః॥ 1-227-69(9878)
సర్వశిల్పవిదస్తత్ర వాసాయాభ్యాగమంస్తదా।
ఉద్యానాని చ రంయాణి నగరస్య సమంతతః॥ 1-227-70(9879)
ఆంరైరాంరాతకైర్నీపైరశోకైశ్చంపకైస్తథా।
పున్నాగైర్నాగపుష్పైశ్చ లకుచైః పనసైస్తథా॥ 1-227-71(9880)
శాలతాలతమాలైశ్చ బకులైశ్చ సకేతకైః।
మనోహరైః సుపుష్పైశ్చ ఫలభారావనామితైః॥ 1-227-72(9881)
ప్రాచీనామలకైర్లోధ్రైరంకోలైశ్చ సుపిష్పితైః।
జంబూభిః పాటలాభిశ్చ కుబ్జకైరతిముక్తకైః॥ 1-227-73(9882)
కరవీరైః పారిజాతైరన్యైశ్చ వివిధైర్ద్రుమైః।
నిత్యపుష్పఫలోపేతైర్నానాద్విజగణాయుతైః॥ 1-227-74(9883)
మత్తబర్హిణసంఘుష్టకోకిలైశ్చ సదామదైః।
గృహైరాదర్శవిమలైర్వివిధైశ్చ లతాగృహైః॥ 1-227-75(9884)
మనోహరైశ్చిత్రగృహైస్తథాఽజగతిప్రవతైః।
వాపీభిర్వివిధాభిశ్చ పూర్ణాభిః పరమాంభసా॥ 1-227-76(9885)
సరోభిరతిరంయైశ్చ పద్మోత్పలసుగంధిభిః।
హంసకారండవయుతైశ్చక్రవాకోపశోభితైః॥ 1-227-77(9886)
రంయాశ్చ వివిధాస్తత్ర పుష్కరిణ్యో వనావృతాః।
తడాగాని చ రంయాణి బృహంతి సుబహూని చ॥ 1-227-78(9887)
`నదీ చ నందినీ నామ సా పురీముపగూహతి।
చాతుర్వర్ణ్యసమాకీర్ణమన్యైః శిల్పిభిరావృతం॥ 1-227-79(9888)
సర్వదాభిసృతం సద్భిః కారితం విశ్వకర్మణా।
ఉపభోగసమృద్ధైశ్చ సర్వద్రవ్యసమావృతం॥ 1-227-80(9889)
నిత్యమార్యజనోపేతం నరనారీగణైర్యుతం।
వాజివారణసంపూర్ణం గోభిరుష్ట్రైః ఖరైరజైః॥ 1-227-81(9890)
తత్త్రివిష్టపసంకాశమింద్రప్రస్థం వ్యరోచత।
పురీం సర్వగుణోపేతాం నిర్మితాం విశ్వకర్మణా॥ 1-227-82(9891)
పౌరవాణామధిపతిః కుంతీపుత్రో యుధిష్ఠిరః।
కృతమంగలసత్కారైర్బ్రాహ్మణైర్వేదపారగైః॥ 1-227-83(9892)
ద్వైపాయనం పురస్కృత్య ధౌంయస్యాభిమతే స్థితః।
భ్రాతృభిః సహితో రాజా రాజమార్గమతీత్య చ॥ 1-227-84(9893)
ఔపవాహ్యగతో రాజా కేశవేన సహాభిభూః।
తోరణద్వారసుముఖం ద్వాత్రింశద్ద్వారసంయుతం॥ 1-227-85(9894)
వర్ధమానపురద్వారాత్ప్రవివేశ మహాద్యుతిః।
శంఖదుందుభినిర్ఘోషాః శ్రూయంతే బహవో భృశం॥ 1-227-86(9895)
జయేతి బ్రాహ్మణగిరః శ్రూయంతే చ సహస్రశః।
సంస్తూయమానో మునిభిః సూతమాగధబందిభిః॥ 1-227-87(9896)
ఔపవాహ్యగతో రాజా రాజమార్గమతీత్య చ।
కృతమంగలసత్కారం ప్రవివేశ గృహోత్తమం॥ 1-227-88(9897)
ప్రవిశ్య భవనం రాజా నాగరైరభిసంవృతః।
ప్రహృష్టముదితైరాసీత్సత్కారైరభిపూజితః॥ 1-227-89(9898)
పూజయామాస విప్రేంద్రాన్కేశేన మహాత్మనా।
తతస్తు రాష్ట్రం నగరం నరనారీగణాయుతం॥ 1-227-90(9899)
గోధనైశ్చ సమాకీర్ణం సస్యైర్వృద్ధిం తదాగమత్॥' 1-227-91(9900)
తేషాం పుణ్యజనోపేతం రాష్ట్రమావిశతాం మహత్।
పాండవానాం మహారాజ శశ్వత్ప్రీతిరవర్ధత॥ 1-227-92(9901)
`సౌబలేన చ కర్ణేన ధార్తరాష్ట్రైః కృపేణ చ।'
తథా భీష్మేణ రాజ్ఞా చ ధర్మప్రణయినా సదా॥ 1-227-93(9902)
పాండవాః సమపద్యంత ఖాండవప్రస్థవాసినః।
పంచభిస్తైర్మహేష్వాసైరింద్రకల్పైః సమావృతం॥ 1-227-94(9903)
శుశుభే తత్పురశ్రేష్ఠం నాగైర్భోగవతీ యథా।
`తతస్తు విశ్వకర్మాణం పూజయిత్వా విసృజ్య చ॥ 1-227-95(9904)
ద్వైపాయనం చ సంపూజ్య విసృజ్య చ నరాధిపః।
వార్ష్ణేయమబ్రవీద్రాజా గంతుకామం కృతక్షణం॥ 1-227-96(9905)
తవ ప్రసాదాద్వార్ష్ణేయ రాజ్యం ప్రాప్తం మయాఽనఘ।
ప్రసాదాదేవ తే వీర శూన్యం రాష్ట్రం సుదుర్గమం॥ 1-227-97(9906)
తవైవ తు ప్రసాదేన రాజ్యస్థాశ్చ భవామహే।
గతిస్త్వమాపత్కాలేఽపి పాండవానాం చ మాధవ॥ 1-227-98(9907)
జ్ఞాత్వా తు కృత్యం కర్తవ్యం కారయస్వ భవాన్హి నః।
యదిష్టమనుమంతవ్యం పాండవానాం త్వయాఽనఘ॥ 1-227-99(9908)
శ్రీవాసుదేవ ఉవాచ। 1-227-100x(1248)
త్వత్ప్రభావాన్మహారాజ్యం సంప్రాప్తం హి స్వధర్మతః।
పితృపైతామహం రాజ్యం కథం న స్యాత్తవ ప్రభో॥ 1-227-100(9909)
ధార్తరాష్ట్రా దురాచారాః కిం కరిష్యంతి పాండవాన్।
యథేష్టం పాలయ జగచ్ఛశ్వద్ధర్మధురం వహ॥ 1-227-101(9910)
పునః పునశ్చ సంహర్షాద్బ్రాహ్మణాన్భర పౌరవ।
అద్యైవ నారదః శ్రీమానాగమిష్యతి సత్వరః॥ 1-227-102(9911)
ఆదత్స్వ తస్య వాక్యాని శాసనం కురు తస్య వై।
ఏవముక్త్వా తతః కుంతీమభివాద్య జనార్దనః॥ 1-227-103(9912)
ఉవాచ శ్లక్ష్ణయా వాచా గమిష్యామి నమోస్తు తే। 1-227-104(9913)
కుంత్యువాచ।
జాతుషం గృహమాసాద్య మయా ప్రాప్తం యదానఘ॥ 1-227-104x(1249)
ఆర్యేణ సమభిజ్ఞాతం త్వయా వై యదుపుంగవ।
త్వయా నాథేన గోవింద దుఃఖం తీర్ణం మహత్తరం॥ 1-227-105(9914)
త్వం హి నాథస్త్వనాథానాం దరిద్రాణాం విశేషతః।
సర్వదుఃఖాని శాంయంతి తవ సందర్శనాన్మమ॥ 1-227-106(9915)
స్మరస్వైనాన్మహాప్రాజ్ఞ తేన జీవంతి పాండవాః॥ 1-227-107(9916)
వైశంపాయన ఉవాచ। 1-227-108x(1250)
కరిష్యామీతి చామంత్ర్య అభివాద్య పితృష్వసాం।
గమనాయ మతిం చక్రే వాసుదేవః సహానుగః॥' 1-227-108(9917)
తాన్నివేశ్య తతో వీరః సహ రామేణ కౌరవాన్।
యయౌ ద్వారవతీం రాజన్పాండవానుమతే తదా॥ ॥ 1-227-109(9918)

ఇతి శ్రీమన్మహాభారతే ఆదిపర్వణి విదురాగమనరాజ్యలాభపర్వణి సప్తవింశత్యధికద్విశతతమోఽధ్యాయః॥ 227 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.